هحكلكم بسرعه كده علي حاجه صغيره حصلت معايا بس بجد كسفتني قوي
في صديقه ليا المانيه بس من اب مصري وعايشه هنا في مصر مع صديقه اخري لينا .. حصل مره واتفقنا اننا كلنا نخرج اي مكان وليكن كافيه نقضي فيه وقت لطيف مع بعض بس حصل تضارب في المواعيد فقررنا ان انا وصحبتنا الالمانيه دي نسبقهم علي الكافيه بعدين هما يخلصوا اللي وراهم ويحصلونا .. طبعا لان ربنا بيحبني صحبتنا دي بتقدر تتكلم عربي بس مكسر شويه (اشكرك يارب)
المهم روحنا للكافيه وقعدنا وفيه وبدئنا في الدرشه
سألتها بكل فخر وانا مشرئبة كده رافعه الراس وكأن في اغنيه بتدنن في ودني خلي الجبين عالي عالي عالي ..قلتلها ايه رايك بقي في مصر تراررارام!!
انا ماقلتش ترررام انا بس بعمل موسيقه تصويريه للموقف
قالت مصر حلوه خالص بس. قلت في سري بس ايه بقي هنلبخ وله ايه خلينا مشين حلو
بس بيحصل فيها حاجات مش حلوه خالص (كان نفسي احط ايدي علي بقها واقولها انا في عرضك الحيطان ليها ودان)
قبل ماتفلسف وأسالها زي ايه كانت قالتلي زي مثلا طول مانتي ماشي في الشارع تلاقي الرجاله عمالين يبوصوا عليك وده حاجه مش حلو (قلت في سري والله طيبه وربنا سترها معانا وايجت علي البص وبس )
واسترسلت وقالت عندنا ده مش بيحصل الا قليل ومن اولاد سنهم لسه صغير (برضو في سري قلت لا عندنا السن الصغير تخطيء مسئله االبص ده الاجيال الجديده بقي والتكنولوجيا ) .
ماعرفتش ارد ..وارد اقول ايه؟؟ ان كانت هي يمكن لانها مكسوفه اتكلمت عن الموضوع بطريقه مؤدبه وقالت بيبصوا ..بذمتكم هو عندنا بيبصوا بس؟؟ وله بقي في ابشع واحقر من كده بالالف المراحل
طيب دي بلدي ، نفسي ادافع عنها .نفسي اقولها لا مابيحصلش او بيحصل بس قليل قوي، طيب هو انا اقدر اقول كده؟؟ ماهو لو كدبت عليها مش هقدر اكدب علي نفسي
فعلا حاجه تكسف
في صديقه ليا المانيه بس من اب مصري وعايشه هنا في مصر مع صديقه اخري لينا .. حصل مره واتفقنا اننا كلنا نخرج اي مكان وليكن كافيه نقضي فيه وقت لطيف مع بعض بس حصل تضارب في المواعيد فقررنا ان انا وصحبتنا الالمانيه دي نسبقهم علي الكافيه بعدين هما يخلصوا اللي وراهم ويحصلونا .. طبعا لان ربنا بيحبني صحبتنا دي بتقدر تتكلم عربي بس مكسر شويه (اشكرك يارب)
المهم روحنا للكافيه وقعدنا وفيه وبدئنا في الدرشه
سألتها بكل فخر وانا مشرئبة كده رافعه الراس وكأن في اغنيه بتدنن في ودني خلي الجبين عالي عالي عالي ..قلتلها ايه رايك بقي في مصر تراررارام!!
انا ماقلتش ترررام انا بس بعمل موسيقه تصويريه للموقف
قالت مصر حلوه خالص بس. قلت في سري بس ايه بقي هنلبخ وله ايه خلينا مشين حلو
بس بيحصل فيها حاجات مش حلوه خالص (كان نفسي احط ايدي علي بقها واقولها انا في عرضك الحيطان ليها ودان)
قبل ماتفلسف وأسالها زي ايه كانت قالتلي زي مثلا طول مانتي ماشي في الشارع تلاقي الرجاله عمالين يبوصوا عليك وده حاجه مش حلو (قلت في سري والله طيبه وربنا سترها معانا وايجت علي البص وبس )
واسترسلت وقالت عندنا ده مش بيحصل الا قليل ومن اولاد سنهم لسه صغير (برضو في سري قلت لا عندنا السن الصغير تخطيء مسئله االبص ده الاجيال الجديده بقي والتكنولوجيا ) .
ماعرفتش ارد ..وارد اقول ايه؟؟ ان كانت هي يمكن لانها مكسوفه اتكلمت عن الموضوع بطريقه مؤدبه وقالت بيبصوا ..بذمتكم هو عندنا بيبصوا بس؟؟ وله بقي في ابشع واحقر من كده بالالف المراحل
طيب دي بلدي ، نفسي ادافع عنها .نفسي اقولها لا مابيحصلش او بيحصل بس قليل قوي، طيب هو انا اقدر اقول كده؟؟ ماهو لو كدبت عليها مش هقدر اكدب علي نفسي
فعلا حاجه تكسف
ليست هناك تعليقات:
إرسال تعليق